a3:1Mak 12:36; 16:19; Epe 1:20
b3:2Mat 6:33
c3:5-6Rom 6:6,11; Epe 4:19; 5:3-6
d3:8Epe 4:25-29; 5:4
e3:9Epe 4:22,25
f3:10Epe 4:24
g3:11Gar 3:28
h3:121Pi 2:9
i3:13Epe 4:2,32
j3:14Rom 13:8-10
k3:151Ko 12:27; Epe 4:4; Pir 4:7
l3:16Epe 5:19
m3:171Ko 10:31; Epe 5:20
n3:18Epe 5:22
o3:19Epe 5:25
p3:20Epe 6:1
q3:21Epe 6:4
r3:22Epe 6:5-8
s3:25Rom 2:11

Colossians 3

Inaiinai Iyakaisi Gwangwaneba

1 aMeoya ye Keriso gaibu sira inaigisianawa me natawa ipewa, ye dividivi painauwa autan anoigimiya. Me apa God naniyutanwa apa Keriso wakene. 2 bYe piyu mame egave wakeyawa oya den anoya, dividivi painau wakeyawa oya anoya. 3Kuiyawa ye wait boriruwayana, sira ye inaiinai yeuma me guwave wakene Keriso gaibu God danave. 4Keriso me nu inaiinai numawa uwapewa, me kumive ye gaibu Keriso gaibu uwaya eyawa gumbe.

 5 cMeoya dividivi piyu mame inaiinai gambenwa meuma toen guriya. Uinantaraki, miyot, ano kukaeba vesin ge apan yapowo, ano kukaeba nuniatatu, dividivi mame toen guriya. Mame me god ugaugaeba waiya atanwa. 6Mame gumbe God danapiriwa aikpe. 7Ye gaibu watavit dividivi mame danave wakeyana. Me kumive meib aisiyana. 8 dMegara ye gaibu gare mame di mame undag epa aoreya: danapiri, diguragut, ano kukaeba, gae kukaeba sira ubmam gaiyawa, me noiwa gumbe uwapewa. 9 eGara ugaya den aya. Ye wait apan namuwa aropiyana dividivi ayanawa gaibu, 10 fsira apan mataiwa eniyana. Apan mataiwa me Apan asime wadnunnewa irawa yauyawa danave sira tobiyag mataiven aigimpe, sira natawa anoanowawa aupe. 11 gMe apa, Griisu igiyawa ge Ju igiyawa mu ubeube onan, kwapituitui igiyawa ge kwapituitui onan igiyawa mu ubeube onan, anoano oraiwa onan igiyawa ge Sukute igiyawa mu ubeube onan, ankwatave nau eme igiyawa ge ui onan igiyawa mu ubeube onan. Keriso me undag, sira undag danave wakene.

 12 hYe God watgomiya yenne igiyawa, sira iyakaisi ge God nonemagave igiyawa. Meoya ye kokavit ano muntanwa, baigan, mokona, nonewa memeyu, sira di iyai wakeiviwa, dividivi mame eniya. 13 iGaragara iyaigit wakeya. Garadi enewa, garagara anog yankweya. Ayapan yenan anog yankwene, meoya ye gaibu anog yankweya. 14 jSira undag mame egavewa, baigan eniya. Baigan me berip oraiminavitwa mame undag tutan oya.

 15 kKeriso yumiwa me nonemagewa amaraigimpe. Meib atan oya, God yenan auwane, sira ye kwapuiwa desirom ane. Sira ye gaun igiyawa aya. 16 lKeriso gaiyawa mauraeba kweya daneyap wakeigimpe, sira gara toewan aigimiya, sira garawano aigimiya anoano yeuma undag gumbe, sira God gumbe gaunipam bererin toigimiya Sam ge bererin ge guwawa bererinawa gumbo. 17 mYe gae gumbe go atanwa gumbe dividivi aninin ayawa, ye me di aya Ayapan Iesu iviwa gumbe, sira Ayapan gumbe Mamunwa God gumbe gaun waya.

Gwe Aninin Amat Oraivit Atanwa

18 nBivituiwa, ye Ayapan gumbe wakeeme igiyawa, meoya yaimoyai memetuiwa nouwa auya.

 19 oMemetuiwa, bivituiwa gumbo baigan aya, sira inaiinai kukaeba mu gumbo den aya.

 20 pUd, inemameaiwa nouwa auya dividivi undag gumbe. Me gumbe Ayapan degadega aigimpe.

 21 qYe Mamawaviwa, usitainewa den aya danopiriwape. Yutuwa kudnausiren den ape oya.

 22 rAnkwatave nau eme igiyawa, dividivi undag gumbo, koukawa yeuma piyuwau wakeyawa nouwa auya. Yangewavit den nau aya, sira iyayapan mukut oya anog den nau aya. Ayapan oya a ag ebnotu aya, sira nonemagewa oraimina gumbe koukawa yeuma nouwa auya. 23Ye dividivi ayawa, nonemageyap undag aya iyayapan gumbo onan megara Ayapan gumbe. 24Ye yaug anoyana, garawa Ayapan gumbe, kwan God yenan amaraiviwa matai auya. Ye Ayapan Keriso nauwawa ene. 25 sEbu desiroma, ano kukaeba eme igiyawa mu matai garawa muma mumbovit kukaeba muma oya aupe. God anoano meumawa da desirom gumbe onan. Me undag.
Copyright information for MTI